Chwilio Hoffi Bwyd, Casáu Gwastraff

Mae planhigyn wy yn rhan o’r un teulu â phupurau crwn, tomatos a thatws. Maen nhw’n wych mewn cyri, wedi’u grilio ar y barbeciw, ac wedi’u pobi i wneud prydau blasus o fwyd. Mae planhigyn wy yn rhan o’r un teulu â phupurau melys, tomatos a thatws. Maen nhw’n wych mewn cyri, wedi’u grilio ar y barbeciw, ac wedi’u pobi i wneud prydau blasus o fwyd.

Moron crensiog, melys, blasus yw un o’r llysiau mwyaf hyblyg y gallwn eu defnyddio mewn amrywiaeth eang o ffyrdd. Gallwn eu bwyta’n amrwd, eu gratio mewn salad, a phobi teisen foron.

Mae brocoli wedi dod yn ffefryn rheolaidd yng nghartrefi’r Deyrnas Unedig ac mae ar gael mewn ambell i wahanol fath, yn cynnwys brocoli hirgoes. Gan mai aelod o’r teulu brassica yw brocoli, mae’n perthyn i fresych a blodfresych.

Mae bresych yn rhan o deulu’r brassica, sy’n cynnwys blodfresych a brocoli. Mae llawer o wahanol fathau i ddewis o’u plith, fel coch, gwyn a gwyrdd. Gellir ei rwygo’n fân yn amrwd i wneud colslo, neu ei stemio a’i frwysio fel rhan o’ch cinio.

Dyma lysieuyn o liw porffor dwfn, ac mae’n un gwych i’w ychwanegu at y rhan fwyaf o brydau bwyd, fel salad neu gallech ei rostio a’i weini fel rhan o brif bryd o fwyd.

Mae ffa yn llysieuyn poblogaidd, yn llawn maeth, sy’n cyfrannu at eich pump y dydd.

Mae blodfresych yn aelod o deulu’r brassica fel bresych a brocoli, ac mae’r llysieuyn hwn yn glystyrau o flodigion sy’n edrych fel pennau blodau, gyda dail gwyrdd o’u cwmpas. Mae amrywiaethau gwyrdd a phorffor yn bodoli hefyd.

Mae seleri’n dod o’r un teulu â moron. Mae’n cynnwys llawer o ddŵr a llawer o fitaminau a mwnau yn ogystal â bod yn ffynhonnell dda o ffibr. Gellir bwyta’r llysieuyn cyfan – y dail, y coesynnau a’r craidd oll.